Vatnmeistari til Eysturkommunu

Eysturkommuna søkir eftir vatnmeistara at byrja skjótast gjørligt.

Arbeiðsøki:

• at syrgja fyri at, drekkivatnsgóðskan livir upp til krøv frá mynduleikunum
• ábyrgd av leiðingsarbeiði í samband við nýgerð og umvæling á drekkivatnsnetinum
• skráseta leiðingar, ventilar, brandpostar
• at meta um, hvør tørvur er á nýíløgum, nýgerð o.s.fr. á nevndu økjum
• at hava umsjón við, røkja og viðlíkahalda spillvatnspumpur og neyðgeneratorar
• aðrar fyrifallandi uppgávur

Førleikar:

Tað er ein fyrimunur, men ikki ein treyt, at tann, sum settur verður, hevur royndir frá líknandi arbeiðið.

Tann sum settur verður má hava koyrikort.

Vit vænta, at tú ert samstarvandi, arbeiðssamur, dugnaligur og vælskipaður. Umráðandi er, at tann setti er fyrikomandi og arbeiðsglaður starvsfelagi.

Setanarviðurskiftir:

Talan er um fulltíðarstarv. Løn og setanartreytir eru sambært sáttmála millum avvarandi yrkisfelag og KAF.

Umsóknir:

Umsóknir skulu sendast til eystur@eystur.fo

Umsóknarfreist er mikudagin 04. september 2024.

Nærri fæst at vita um starvið við at venda sær til Jógvan Júst Olsen, rakstrarleiðara á telefon 730089