Stutttíðarpláss

Heimabúgvandi fólkapensjonistur kann visiterast til stutttíðarpláss í eitt avmarkað tíðarskeið, um:

• ein hevur tørv á at koma seg eftir sjúku ella skaða
• ein kann hava ágóða av málrættaðum tiltøkum, soleiðis at ein betri gerst førur fyri at verða virkin og liva eitt lív, sum gevur meining fyri ein í egnum heimi aftur
• tørvur er at lætta um hjá avvarðandi
• ein hevur søkt um fast búpláss á eldrasambýli, soleiðis at tørvurin kann útgreinast og røtt tænasta veitast

Gjøld fyri búpláss, heimarøkt og umlætting kunnu síggjast her (galdandi frá 1. januar 2024).

Tú kanst søkja við at venda tær til skrivstovuna hjá Nánd á tlf. 73 02 00 ella við at heinta oyðublað her.

Giljagarður

Giljagarður í Leirvík lat upp tann 1. septembur 2004 og hevur pr- apríl 2018 pláss er fyri 10 búfólkum.

Ynskir tú at lata eina gávu til Giljagarð, kanst tú flyta hana á konto 9181-143.647.5.

Gøtubrá

Gøtubrá í Norðragøtu lat upp í november 2004. Húsið er í tveimum hæddum og hevur pr. apríl 2018 pláss er fyri 15 búfólkum, herav 5 demenspláss til fólk, ið hava flytførisførleika.

Ynskir tú at lata eina gávu til Gøtubrá, kanst tú flyta hana á konto 9181-141.726.8.

Vesturstova

Vesturstova í Fuglafirði lat upp í juni 1999. Húsið er í tveimum hæddum og hevur pr. apríl 2018 pláss fyri 12 búfólkum.

Ynskir tú at lata eina gávu til Vesturstovu, kanst tú flyta hana á konto 9181-492.059.9.