Dagstovnurin Gjái

Dagstovnurin Gjái heldur til við Gøtugjógv. Nýggi dagstovnurin bleiv tikin í nýtslu í august 2023, har pláss er fyri tilsamans 112 børnum – 60 barnagarðsbørnum og 52 vøggustovubørnum. Í dag ganga áleið 80 børn á stovninum.

Í Gjáa eru 4 vøggustovur og 4 barnagarðsstovur, har vøggustovurnar eru í erva og barnagarðsstovurnar í neðra. Umframt leiðaran, eru tilsamans áleið 25 námsfrøðingar og hjálparfólk knýtt at stovninum.

Dagstovnurin er innrættaður við ymiskum mennandi og stuttligum rúmum, eitt nú sansarúmi, tómleika/dramarúmi, ítrivsrúmi, og felagsrúmi.

Uttanfyri er eitt spennandi og mennandi spæliøki/garður, har børnini kunnu fáa avbjóðingar á fleiri økjum. Somuleiðis er eitt vælvirkandi yvirdekka útiøkið, sum kann virka sum eitt slag av víðkan av teimum átta stovunum og økið kring durarnar til stovurnar.

Stovnurin er ein perla í vøkrum náttúruumhvørvi. Stutt er niðan í viðarlundina, í fjøruna, hagan ella oman í gjónna at spæla. Ofta verður farið gongutúr yvir á Gøtusand, fótbóltsvøllin í Sarpugerði, til spælipláss og FIFA vøllir í bygdunum, og onnur góð støð. Eisini verður fimleikahøllin og bókasavnið í Gøtu skúla nógv brúkt.

Í okkara námsfrøðiliga arbeiði leggja vit dent á at virða skapanarverkið. Vit taka eisini íblástur frá tí italiensku filsofini Reggio Emila – at lurta eftir barninum og hugsa tað kreativt inn í føroyska mentan. Vit hugsa, at Dagstovnurin Gjái er fyrsti lærustovnur, ið barnið kemur á, og at barnið fær eina vitan í tí námsfrøðiliga arbeiðinum.

Námsætlan bygd á 6 grundarsteinar

Sosialur førleiki (juli/august)
Kroppur og rørsla (september/oktober)
Mentanarligir úttrykkshættir og virði (november/december)
Mál (januar/februar)
Náttúran og náttúrufyribrygdir (mars/apríl)
Barnsins persónliga fjølbroytta menning (mai/juni)

Í hvørjum grundarsteini hava vit fleiri innlæruhættir so sum: lesa søgu, syngja, gera eitthvørt handaligt, spæla leik ella grovrørslu avbjóðingar.

Hvør grundarsteinur endar so við einum felagstiltaki fyri stovnin, sum stovurnar skiftast um at skipa fyri.

Ígjøgnum árið eru nøkur felagstiltøk, so sum verkstaðsviku, felags túrar og annað, hvar vit arbeiða tvørs av stovunum. Foreldrafundir verða hildnir eina ferðir árliga.

Grundhugsan

Á Gjáa hava vit ta grundhugsan, at dagstilboðið er eitt týdningarmikið vakstrarhús fyri persónligari menning – ein staður, har einstaka barnið kann droyma um og seta hol á lovandi møguleikar í framtíðini saman við øðrum børnum og vaksnum.

Upplatingartíðir

Stovnurin er opin frá mánadegi til og við fríggjadag kl. 07.15 – 17:00.

Gjald fyri ansing

Gjaldið fyri barnaansing verður avgreitt sum sjálvvirkandi gjaldsavtala umvegis GjaldSkipanina. Samtykki um gjald fyri barnaansing er at fáa á stovnunum og í Býráðshúsinum í Norðragøtu.

Ansingargjald

Børn 0-3 ár
Full tíð: kr. 1.600,-
Hálv tíð: kr. 800,-

Børn 3-7 ár
Full tíð: kr. 1.500,-
Hálv tíð: kr. 750,-

Skúlaspírin/Frítíðaransing (0. flokkur)
kr. 1.500,-

Frítíðaransing 1. og 2. flokkur
kr. 700,-

Juli mánaður er gjaldsfríur.

Um tygum/tit hava 3 ella fleiri børn í ansing, fáa tygum/tit systkinaavsláttur. T.v.s. at 2 børn gjalda fullan prís, meðan hini gjalda ½ prís. Systkinaavslátturin er ½ prísur av lægstu gjøldunum.

Søk um pláss til barnaansing

Upptøkureglar fyri dagstovnar