Kunngerð um broyting í býarplaninum fyri Eysturkommunu

Broyting í býarplaninum fyri Eysturkommunu.

Við heimild í Løgtingslóg nr. 13 frá 21. mai 1954 um býarskipan og byggisamtykt, sum seinast broytt við Løgtingslóg nr. 31 frá 17. mars 2022, verður við hesum uppskot til broyting í almennu byggisamtykini fyri Eysturkommunu framlagt til alment eftirlit.

Eysturkommunu býráð samtykti á fundi 29. august 2024 at broyta býarplanin, við kirkjugarðin í Norðragøtu, frá H øki – Frílendi til E øki – Almennir stovnar.

Broytingin fevnir um part av matr. 25a í Norðragøtu.

Tilfar, sum lýsir uppskotið um at broyta almennu byggisamtyktina á omanfyri nevndu matriklum í Norðragøtu, liggur frammi í móttøkuni í býráðshúsinum í Norðragøtu, frá 09. september 2024 og til og við 02. oktober 2024.

Møgulig mótmæli og/ella broytingaruppskot skulu skrivliga verða kommunuskrivstovuni í hendi, í seinasta lagi 23. oktober 2024.

Eysturkommuna

6. september 2024