10. mar. 2021 kl. 19:30
Báta- og Listasavnið í Leirvík
Tak vinkonuna – ella allan bindiklubban! – undir armin
Kom oman á savnið og fá íblástur til tína binding. Vit fara hetta kvøldið at tosa um tað siðbundna í okkara binding, at deila royndir og at kjakast um evnið.
Elenora og Hallbjørg frá Lávusarhúsi fara at leggja okkum lag á og at greiða okkum frá.
Eisini verður góður møguleiki at sita og práta hvør í sínum lagi – og samstundis at smakka tær lekru bindiklubbakakurnar.
Tak tað við, tú hevur á stokkum, ella vís okkum okkurt, tú kanska er serliga errin av.
Ongar fortreytir eru.