Korona fyribyrging í Eysturkommunu

Her er ein uppsamling av, hvussu fyribyrginingarátøkini í smb. við Korona smittuna ávirka borgarar í Eysturkommunu. Hetta verður dagført leypandi, sum broytingar eru og verða heitt á borgarar um at halda seg kunnaðan á heimasíðuni hjá Eysturkommunu og á Facebook síðuni hjá kommununi.

Dagstovnarnir lata upp aftur 20. apríl.

Bráðfeingis telefonin hjá kommunulæknanum (tlf. 771006) svarar fram til kl. 16 gerandisdagar, um spurningar eru í mun til corona. Tað er annars møguligt sum vant at ringja á bráðfeingis telefonina, um tørvur er á bráðfeingis læknahjálp.

Barnatannrøktin stongd

Eftir tilmæli frá landsins mynduleikum, um at fyribyrja, at Koronasmittan spjaðir seg, er Barnatannrøktin í Eysturkommunu fyribils stongd. Tó kunnu tey, ið hava bráðfeingistørv ringa á tlf. 73 00 32 ella 73 00 33.

Venjingarhølini hjá Nánd

Endurvenjingin letur upp fyri einstaklinga venjingum og venjingum í smáum bólkum frá 13/5.

Sjálvsvenjingin er fyribils stongd til 2/6

Eysturleiðin koyrir ikki

Eysturleiðin koyrir ikki frá mánadegnum 16. mars.

Nú næmingar í forskúlanum og 1. – 3. flokk hava møguleika at fara í skúla tann 20. apríl, skal boðast frá, at Eysturleiðin ikki koyrir fyribils. Sostatt verður fyribils heitt á foreldur um at koyra børnini í skúla.

Svimjihylurin og fimleikahallirnar stongdar

Svimjihylurin og fimleikahallirnar í skúlanum í Eysturkommunu eru fyribils stongdar.

Dagstovnarnir hava opið aftur

Frá mánadegnum 20. apríl hava dagstovnarnir aftur opið sum vant. Tó verða serlig fyrivarni tikin á dagstovnunum viðv. reinføri o.s.fr. fyri at fyribyrgja møguligari smittuspjaðing.

Barnaansingargjald meðan dagstovnar eru stongdir

Foreldur rinda ikki barnaansingargjald fyri ta tíðina, dagstovnarnir hava verið stongdir. T.v.s. frá 16. mars til 19. apríl, meðan dagstovnarnir hava verið stongdir, rinda foreldur einki barnaansingargjald.

Sí samband til dagstovnarnar her:

Býráðsskrivstovan er opin

Virksemi á skrivstovuni hjá Eysturkommunu var munandi skert í eitt tíðarskeið frá 16. mars, men nú er avgreiðslan opin aftur sum vant. Serlig fyrivarni verða tó tikin fyri at tryggja reinføri og fyribyrgja møguligari smittuspjaðing.

Burturkast – minst til at binda fyri allar posar

IRF heitir á fólk um at binda fyri allar posar, sum fara út í gráa posan, fyri at minka um smittuvanda. Og at grái posin verður snøraður við bandi ella teypi dagin fyri, hann verður heintaður. Les meira her.

Meira kunning frá landsmyndugleikunum