Vælkomin til Eysturkommunu – Vælkomin á G! Festival

Góðu festivalgestir

Eysturkommuna vil við hesum ynskja tykkum hjartaliga vælkomin á festival og til okkara vøkru kommunu. Vónandi fáa tit eina góða og minnisríka uppliving.

Vit vilja samstundis minna á, at tað ikki er loyvt at gista í bili á almennum ella kommunalum økjum, so sum parkeringsplássum, fram við vegum ella á øðrum felagsøkjum. Hetta fyri at tryggja reinføri, trygd og trivnaði hjá øllum – bæði gestum og íbúgvum.

Somuleiðis vilja vit siga frá, at økið við býráðshúsið og fiskavirkið í Norðragøtu er arbeiðsøki og verður tí stongt.

Vinarliga nýtið tey skipaðu gistingartilboðini, ið eru knýtt at festivalinum.

Takk fyri og góðan G! Festival.

Eysturkommuna