Í dag 14. juni byrja umhvørvis- og rørsludagar í Eysturkommunu. Komandi dagarnar verður ljós varpað á umhvørvi og rørslu við nøkrum spennandi tiltøkum.
Týsdagin 14. juni kl. 17:00:
Gongurtúrur upp um Leirvíksfjall. Vit byrja við Blásastovu og enda á Báta- og Listasavninum, har pannukøkur og heitt at drekka verður at fáa.
Øll eru hjartaliga vælkomin.
Mikudagin 15. juni kl. 16:30
Tann árligi ruddingardagurin í Eysturkommunu. Vit byrja eins og vanligt við høsnarunga og kipsi við skúlan í Leirvík og í Víkingahúsinum í Norðragøtu. Síðani verður ruddað og at enda – um 7-tíðina – verður kaffi og køka at fáa við skúlan í Leirvík, har tað eisini er møguligt at fáa eina plantu við sær heim.
Hósdagin 16. juni kl. 19:30
Fyrilestur um umhvørvi og hvussu tú lættliga kann skilja burturkast betur. Góð ráð kunnu fáast og spurningar verða svaraðir. Sissal Lervig, Marknaðarførslu- og Samskiftisfólk hjá IRF, hevur fyrilesturin, sum verður í Víkingahúsinum í Norðragøtu.