Hátíðarløta fyri Onnu, Jónu, Jonhardi og Sørini

Í dag var ein lítil hátíðarløta í Víkingahúsinum í Norðragøtu, har Eysturkommuna heiðraði fýra starvsfólkum, sum nú eru farin frá fyri aldur.  

Borgarstjórin, Per Martin Gregersen, byrjaði við at siga nøkur orð og takkaði teimum øllum fyri drúgva tænastu og handaði teimum trimum, Onnu Djurhuus, Jónu Jacobsen og Jonhardi Joensen, hvør sín vakran málning, sum Sámal Toftanes hevði málað av heimbygdunum hjá teimum. 

Sørin S. Djuurhus, fekk handað Dronningens Fortjensmedalje fyri trúfasta tænastu. Hann hevur starvast innan tilbúgvingina hjá Eysturkommunu (og Gøtu Kommunu) í samfull 43 ár, harav 16 ár sum leiðari. 

Í grundgevingini frá Kongshúsinum varð sagt, at Sørin hevur verið við til at hildið ein høgan standard, bæði fakliga og persónliga. Hetta hevur gjørt sítt til, at arbeiðsumstøðurnar hava verið góðar og at eitt sera gott samanhald er millum starvsfólkini. 

Eysturkommuna takkar teimum fýra fyri teirra tænastu øll hesi árini.