Stutt lýsing

Nýggja tilbúgvingarstøðin gevur sløkkiliðinum munandi betri umstøður at arbeiða undir, og samlar alla tilbúgvingarútgerð á einum stað. Samstundis kann nýggi bygningurin brúkast sum ein miðstøð, tá tilbúgvingin verður sett í gongd og sløkkiliðið verður kallað út. Sløkkiliðið hevur áðrenn leigað seg inn í hølir í Leirvík, og útgerð hjá sløkkiliðinum er á goymslu ymsastaðni í kommununi. Støðin er staðsett í Leirvík fyri at hava tilbúgving so tætta sum gjørligt á báðum síðum av Norðoyatunlinum.