Sjúkrarøktarfrøðingur til Gøtubrá

Vit søkja eftir sjúkrarøktarfrøðingi til eldrasambýlið Gøtubrá. Gøtubrá er í tveimum hæddum og umfatar tvær eindir við 18 plássum tilsamans, 10 á ovaru hæddini og 8 á niðaru.

Starvið er á niðaru hædd. Á Gøtubrá arbeiða sjúkrarøktarfrøðingar, heilsurøktarar, heilsuhjálparar, hjálparfólk og reingerðarfólk. Umframt vanligu røktarnormeringina er demenssamskipari ein dag um vikuna, kliniskur sjúkrarøktarfrøðingur tríggjar dagar um vikuna, og ergo- og fysioterapeutar koma regluliga á Gøtubrá.

Dámar tær væl at arbeiða við fólki við demens og fyri at skapa teimum ein góðan og virknan gerandisdag, so er tú møguliga okkara nýggi starvsfelagi.

Talan er um

•  24 tímar um vikuna, dagvaktir gerandisdagar og náttarvakt 2. hvørt vikuskifti. At byrja 1 juli.

Vit vænta at tú

• hevur útbúgving sum sjúkrarøktarfrøðingur
• hevur góð samstarvsevni
• hevur vitan og royndir innan demensumsorgan
• demenssamskiparaútbúgving kann vera ein fyrimunur
• hevur góð evni at samskifta í skrift og talu
• virkar fyri eini persónsrættaðari umsorgan
• tryggjar sjúkrarøktarfakliga skjalfesting
• hevur evni og áhuga at arbeiða innan heilsustimbran, fyribyrgjan og endurmenning
• dugir at eygleiða og laga virksemið til tørvin hjá borgarum í samstarvi við hann/hana

Vit kunnu bjóða tær

• góða innleiðslu
• eitt spennandi arbeiðspláss
• góðar arbeiðsumstøður og fjølbroyttar avbjóðingar
• gott samstarv við onnur fakfólk
• regluliga undirvísing í Nánd

Starvsfólk hjá Nánd hava møguleika at venja ókeypis í venjingarhølunum á Miðstøðini í Leirvík ávísar tíðir.

Starvssetan og løn
Starvið verður sett sambært sáttmála við KAF/Fíggjarmálaráðið og Felagið sjúkrarøktarfrøðingar.

Áhugað kunnu fáa meira at vita um starvið við at venda sær til Edit Andreasen, deildarleiðara, tlf. 730252 og teldupost edit@eystur.fo

Umsókn saman við prógvum, tílvísingum v.m. skulu sendast til: edit@eystur.fo ella Nánd, Oyran 2, 512 Norðragøta. Umsóknir skulu vera okkum í hendi í seinasta lagi 04.06.2026 kl 12.

Meira kann lesast um Nánd her