Søk starv hjá Nánd

Nánd er tænasta fyri eldri borgarar í Eysturkommunu og Fuglafjarðar kommunu. Nánd hevur trý eldrasambýlir, Vesturstovu í Fuglafirði, Gøtubrá í Norðragøtu og Giljagarð í Leirvík. Doktarahúsið í Fuglafirði er dagtilhald fyri eldri borgarar við demens. Heimahjálp og heimasjúkrarøkt verður veitt til heimabúgvandi, meðan fysio- og ergoterapi verður veitt til bæði heimabúgvandi borgarar og borgarar á eldrasambýlum.

Á eldrasambýlum eru størv innan røkt, matgerð og reingerð. Í heimatænastuni eru størv innan heimahjálp, heimasjúkrarøkt og fysio- og ergoterapi.

Møguleiki er fyri føstum starvi ella at arbeiða sum avloysari. Møguleiki er at arbeiða dag-, kvøld- og náttarvaktir – bæði gerandisdagar og vikuskiftir.

Lønar – og setanartreytir

Lønar- og setanartreytir eru sambært sáttmála millum KAF/Fíggjarmálaráðið og avvarðandi yrkisfelag.

Tú kanst søkja starv við at fylla teigarnar út niðanfyri ella senda eina umsókn til nand@eystur.fo.

Fleiri upplýsingar fáast við at ringja 730200