Koyrikort til lítið prutl

Kvøldskúlin fer at hava skeið í koyrikorti til lítil prutl

Aldursmarkið at koyra lítil prutl, sum koyra 30 kilometrar um tíman, er sett niður á 15 ár. Tískil skipar kvøldskúlin í Eysturkommunu fyri prutlfrálæru.

Mannagongd:

1)      Frálæran er løgd til rættis við 27 skúlatímum á 45 minuttir hvør. Her eru 15 tímar í ástøðisfrálæru og 12 tímar í verkligari koyrifrálæru.

2)      Er tú undir 18 ár, krevst eisini, at tú hevur verið á skeið í fyrstuhjálp. Kvøldskúlin bjóðar eisini hetta skeiðið út, og fevnir tað um 8 tímar í frálæru. 4 tímar eru í grundleggjandi uppafturlívgan og 4 tímar í fyrstuhjálp í ferðsluni fyri ungar prutlførarar.

3)      Endalig ástøðisroynd og verklig roynd verður á Akstovuni.

Tilmelding: Tú kanst tekna teg til skeiðið við at senda teldupost á kvoldskulin@eystur.fo við fylgjandi upplýsingum: Navni, bústaði, telduposti, telelefonnummari og føðingardegi.

Tilmeldingarfreist:  18. august 2017. Pláss er fyri 10 luttakarum.

Kostnaður: Skeiðið kostar 1.200 kr.

Eru ivamál, kunnu tit ringja til kvøldskúlaleiðaran, á tlf.: 730028