Á seinasta býráðsfundi samtykti býráðið at víðka um kirkjugarðin í Leirvík. Eysturkommuna hevur keypt lendið norðanfyri kirkjugarðin, og nú verður so gjørt klárt til at bjóða arbeiðið út.
Kirkjugarðurin í Leirvík, sum var seinast víðkaður miðskeiðis í 1980unum, hevur nú áleið 30 pláss tøk. Áleið 10-12 gravir verða brúktar um árið. Tí er neyðugt at víðka um kirkjugarðin.
Fyrsta byggistig gevur áleið 340 pláss norðanfyri verandi kirkjugarð, men møguleiki er at gera áleið 300 afturat niðaneftir.