Býráðsfundurin hósdagin stroymdur á heimasíðuni

Komandi hósdag 30. apríl kl. 17.00 verður býráðsfundur aftur á skránni, og býráðið hevur avgjørt at halda fundin í býráðssalinum í Norðragøtu. Tó vera ymisk atlit tikin í samband við tilmæli frá heilsumyndugleikunum. Eitt nú kunnu gestir ikki vera fysiskt við til býráðsfundin, sum annars er vanligt.

Ístaðin verður fundurin stroymdur á heimasíðuni Eysturkommuna.fo, har einhvør, ið hevur áhuga, kann fylgja við.

Byrjað verður at stroyma frá fundinum hósdagin kl. 17.00. Fundurin er ikki tøkur at hyggja eftir aftaná.