Varadeildarleiðari til Gøtubrá

Eitt spennandi starv sum varadeildarleiðari fyri eldrasambýlið Gøtubrá í Norðragøtu er leyst at søkja. Eldrasambýlið Gøtubrá er í tveimum hæddum og umfatar tvær eindir við tilsamans 18 plássum.

Á sambýlinum arbeiða sjúkrarøktarfrøðingar, heilsurøktarar, heilsuhjálparar, hjálparfólk og reingerðarfólk. Umframt vanligu røktarnormeringina er demenssamskipari eyka ein dag um vikuna. Eisini koma fysio- og ergoterapeutar regluliga á Gøtubrá.

Um starvið
Varadeildarleiðarin virkar fyri, at búfólk og starvsfólk trívast og hava góðar umstøður at liva og virka.

Tú kemur at hava klinisku ábyrgdina av sjúkrarøktini á Gøtubrá og sostatt hava ábyrgd av teimum sjúkrarøktarfakligu uppgávunum við bæði geriatriskum, samansettum, bráðfeingis, somatiskum og sálarligum heilsuavbjóðingum. Tú tryggjar sjúkrarøktarfakliga skjalfesting og hevur serlig fakøki so sum heilivág, kliniska vegleiðing og palliatión um hendi og virkar fyri eini persónsrættaðari umsorgan (PersonCenteredCare).

Tú tryggjar upplæring av nýggjum starvsfólkum. Saman við deildarleiðaranum tryggjar tú skjalfestan, gerð av og íverksetan av mannagongdum.

Tú samskiftir við avvarðandi og samstarvar tvørfakligt við fleiri ymiskar fakbólkar bæði innan- og uttanhýsis. Tú avloysir deildarleiðaran, tá hesin er burturstaddur.

Førleikakrøv:

• prógv og autorisatión sum sjúkrarøktarfrøðingur
• áhuga í leiðslu
• áhuga fyri gerontologi og geriatri, herundir demens

Vit vænta, at tú:

• hevur áhuga og hegni at arbeiða við eldri fólki og vilt arbeiða út frá visjón, missión og virðisgrundarlagnum hjá Nánd
• hevur eina skipaða tilgongd til uppgávuloysn, arbeiðir sjálvstøðugt, samstarvar við starvsfólkini og letur øðrum fakbólkum hóskandi uppgávur í hendi
• ert reflekterandi og kreativ/ur í tíni tilgongd til nýggjar uppgávur
• hevur eina viðurkennandi tilgongd og ert áhugað/ur í at førleikamenna starvsfólkini bæði við sparring og undirvísing
• dugir væl at málbera teg í skrift og talu og hevur góðan telduførleika

Tað kann vera ein fyrimunur, um tú hevur:

• útbúgving/royndir innan leiðslu
• útbúgving/royndir innan gerontologi, geriatri og endurmenning
• kliniska vegleiðaraútbúgving

Vit kunnu bjóða:

• góða innleiðslu, eitt gott arbeiðspláss, ein fakliga spennandi og mennandi gerandisdag
• góðar møguleikar fyri førleikamenning

Starvsfólk hjá Nánd hava møguleika at venja ókeypis í venjingarhølunum á Miðstøðini í Leirvík ávísar tíðir.

Setanar- og lønarviðurskifti
Tann, sum sett/ur verður, hevur tilvísing til deildarleiðaran á Gøtubrá og tekur við starvinum tann 1. mai 2026. Talan er um starvsbrøk á 0,8, dagvaktir gerandisdagar við møguleika fyri hægri brøki við at arbeiða í vikuskiftum.

Starvið verður at seta sambært sáttmála millum Felagið Føroyskir Sjúkrarøktarfrøðingar og KAF/Fíggjarmálaráðið.

Áhugað kunnu fáa meira at vita um starvið við at venda sær til Edit Andreasen, deildarleiðara, tlf. 730252 og teldupost edit@eystur.fo ella Poulu Reinert-Petersen, leiðara Nánd, tlf. 730204 ella poula@eystur.fo

Umsókn
Umsókn saman við prógvum, tílvísingum v.m. skulu sendast til edit@eystur.fo ella Nánd, Oyran 2, 512 Norðragøta og skulu vera okkum í hendi í seinasta lagi 22.04.2026.

Eysturkommuna og Fuglafjarðar kommuna hava skipað javnbjóðis samstarv, og dagliga umsitingin hjá Nánd er partur av umsitingini hjá Eysturkommunu. Sí meira um Nánd her