Earth Hour í Eysturkommunu

Leygarkvøldið 28. mars kl. 20.30 – 21.30 verður heimsfevnandi tiltakið Earth Hour. 

Í hesum sambandi fara vit í Eysturkommunu at sløkkja gøtuljósini frá klokkan 20.30 – 21.30. Hetta gera vit m.a. fyri at seta sjóneykuna á umhvørvið og jørðina.

Øll hava møguleikan at vera við í hesum átaki – tað einasta, tit skulu gera, er at sløkkja ljósini hendan tíman.

Samstundis vilja vit heita á allar borgarar, bæði tey í bili og til gongu, um at vera eyka varin hesa løtuna ljósini eru sløkt.