Avloysarar til Nánd

Vilt tú gera mun í gerandisdegnum hjá eldri fólki og fáa mennandi arbeiðsroyndir, so hevur tú møguleika at søkja avloysarastarv í Nánd. Talan er um tímalønt arbeiði gerandisdagar og/ella vikuskiftir í dagvakt, kvøldvakt, náttarvakt.

Nánd er Heimatænastan fyri borgarar í Eysturkommunu og Fuglafjarðar kommunu. Nánd fatar um heimatænastuna, staðsett í Leirvík, sambýlir í ávikavist Norðragøtu, Leirvík og Fuglafirði og dagtilhald í Doktarahúsinum í Fuglafirði.

Felags køkurin er á sambýlinum Vesturstovu í Fuglafirði.

Í Nánd starvast sjúkrarøktarfrøðingar, ergo- og fysioterapeutar, heilsurøktarar, heilsuhjálparar, hjálparfólk, køksstarvsfólk, bussførarar og reingerðarfólk.

Í løtuni tørvar okkum avloysarar til:

• Røkt á Giljagarði og Gøtubrá – skiftandi vaktir allar dagar í viku
• Reingerð á Giljagarði, Gøtubrá og Vesturstovu – gerandisdagar
• Køkin á Vesturstovu – dagvaktir allar dagar í viku
• Útkoyring av døgurða – allar dagar í viku

Vit bjóða:

• Eitt spennandi og jaligt arbeiðsumhvørvi
• Góða innleiðslu
• Góðar arbeiðsumstøður og fjølbroyttar avbjóðingar
• Gott samstarv við aðrar fakbólkar
• Møguleikar fyri førleikamenning
• At venja ókeypis á Miðstøðini í Leirvík

Vit bjóða góða upplæring og arbeiðsuppgávurnar verða tillagaðar eftir útbúgving og førleikum.

Setan og løn
Størvini eru tímalønt við sáttmála við KAF/Fíggjarmálaráðið og avvarðandi yrkisfelag.  

Umsóknir
Umsókn við prógvi og CV skal sendast við telduposti til: nand@eystur.fo ella í brævi til Nánd, Oyran 2, 512 Norðragøta.

Tú kanst eisini søkja talgilt á okkara heimasíðu: søk starv

____________________________________________________________________

Tú kanst lesa meira um okkara virksemi í Nánd her