Svimjihøllin í Leirvík

Vælveruøkið er opið, tá ið svimjihøllin er opin. Aldursmarkið er 16 ár.

Børn yngri enn 16 ár hava atgongd til vælveruøkið saman við vaksnum ávísar tíðir, sí upplatingartíðirnar.

Allar aðrar tíðir í vikuni er aldursmarkið 16 ár fyri at sleppa inn í vælveruøkið.

Svimjing er ókeypis

Tað er ókeypis hjá almenninginum at svimja í svimjihøllini.

Vælveruøkið

Kostnaður

Vælveruøkið 70,- kr. (aldursmark 16 ár)

Vælveruøkið 35,- kr. (pensionistar, lærlingar og lesandi)

Vælveruøkið 35,- kr. (Børn, bert saman við vaksnum)

Klippkort 

10 túrar 800,- kr. / 20 túrar 1400,- kr.

10 túrar 400,- kr. / 20 túrar 600,- kr. (pensionistar, lærlingar og lesandi)

Bílegging

Tú kanst bíleggja tíð á leinkjuni:

Eysturkommuna

Gjalding

Við inngongdina, beint við hurðina oman til svimjihøllina, stendur ein sjálvtøka, har ein rindar fyri at sleppa inn í vælveruøkið. Eisini ber til at keypa armband, sum kann nýtast til at læsa skápini.

Armband er íroknað prísinum, tá ein vitjar vælveruøkið.

Til almenna svimjing ber til at keypa armband fyri 10 kr.

Vit gera alt fyri, at børn og vaksin skulu kenna seg trygg, tá ið tey vitja okkara
svimjihøll ella vælveruøki.

Tí er tað týdningarmikið, at fólk eru saman við virðing og skili.

Vinaliga les og fylg vegleiðingum og reglum, sum eru galdandi.

Øll svimjing er undir egnari ábyrgd.

1. Foreldur og vaksin hava altíð ábyrgd av børnum, sum svimja.
2. Lívbjargari er á staðnum at fyribyrgja og hjálpa, skuldi óhapp borist á.
3. Børn, sum ganga í 1. flokki og eldri og duga at svimja sjálvi, hava loyvi at svimja uttan vaksnan.
4. Frá 7 ára aldri, lata børn seg í saman við sínum egna kyni.
5. Minst til reinføri! Vaska tær væl og ansa eftir, at persónlig røkt (raking, smyrsl
   og hárviðgerð) ikki dálkar og er til ampa fyri onnur.
6. Bannað er at nýta fartelefon ella myndatól í umklæðingarøkinum,
   vælveruøkinum og í svimjihøllini.
7. Hjá skúlum, stovnum ella svimjifeløgum er strangliga bannað at fara inn í
   svimjihøllina, áðrenn lærari, hjálpari ella venjari hevur givið loyvi til tað.
8. Vitjandi við opnum sárum ella smittandi sjúkum hava onga atgongd til
   svimjihylin ella vælveruøkið.
9. Vit ráða til, at fólk við epilepsi ella við heilsutrupulleikum, til dømis ringum
   hjarta, skulu hava fylgjara við sær.
10. Tað er strangliga bannað at vera ávirkaður av rúsevni í svimjihøllini og
    vælveruøkinum.
11. Tað er strangliga bannað at roykja og at nýta snús/snúsposar í svimjihøllini og
    vælveruøkinum.

Leigan av vælveruøkinum er 1.800,- kr. fyri 2 tímar við lívbjargara.

Les áðrenn tú leigar:

1. Tað ber einans til at bíleggja tíð til at leiga vælveruøkið við at seta seg í samband við Elisabeth á tlf. 508226.
2. Tað ber einans til at bíleggja tíð til at leiga vælveruøkið 7 dagar áðrenn.
3. Til uttandura økið er tað í mesta lagi loyvt at vera 24 fólk.
4. Við leigu av vælveruøkinum, er svimjihylurin eisini íroknaður.
5. Tíðin at leiga er 2 tímar, og kann leigast ávísar tíðir, sí upplatingartíðirnar.
6. Rúsdrekka og rúsevni eru strangliga bannað.
7. Royking og at nýta snús/snúsposar er strangliga bannað.

Fyrivarni!

Hevur tú hjartatrupulleikar, peysmeykara, diabetes ella ert við barn, er neyðugt at
vera varin í vælveruøkinum.

Leigan av svimjihylinum er 600,- fyri 1 tíma við lívbjargara.
Tað ber einans til at bíleggja tíð til at leiga svimjihylin, við at seta seg í samband við Elisabeth á tlf. 50 82 26.

Vælveruøkið er gott fyri bæði likam og sál.

Tá ið tú nýtir rúmið, so eru ymiskir møguleikar at velja í.

Hvørt øki í vælverurúminum virkar á ymiskan hátt og kann betra um tína vælveru.

Hitapottar

Í vælverurúminum eru hitapottar við vatnmassasju, ið mýkir vøddarnir. Hitapottarnir rúma umleið 7-8 persónum hvør. Hitin er 38 stig, og tað gevur kroppinum linna og vælveru.

• Økir um blóðrenslið.
• Strimbrar nýrini í at útskilja eiturevni.
• Burturbeinir óneyðuga kropsvætu.
• Økir um orkubrenningina.

Kaltvatnsøkið

Uttandura er ein kaltvatnspottur, kaltvatnsspann og ein brúsa. Eftir at hava fingið hitaviðgerð hevur tað sera góða ávirkan á likamið at fara í kalt vatn. Tá ið kroppurin brádliga verður køldur niður, geva blóðkørini seg saman, stoffskiftið hækkar, antioxidantar økjast, og verjuskipanin verður styrkt.

Hiti

• Økir um forbrenningina og reinsar kroppin fyri eiturevni og tungmetall.
• Linnandi fyri fyri eymar vøddar, spenningar og tað, sum er keikt ella ovtoygt.
• Hjálpir teimum, ið hava strongd, gikt, sklerosu og iskias-pínu.
• Linnar sár, akne, eksem, psoriasis og húðsjúkur annars.
• Hjálpir fyri hjáholutrupulleikar, høvuðpínu, migrenu og høgt blóðtrýst
• Heilsuklivin økir um kaloriubrenningina, og ein hálvur tími svarar til umleið 10 km konditiónsrenning.
• Heilsuklivin er sostatt eisini ein góð loysn fyri fólk, ið hava trupult við at røra seg.

Dampbað

• Dampbað er gott fyri strongd og eisini gott eftir harða venjing. Tað er reinsandi, og kroppurin finnur hvílu.
• Burturbeinir eiturevni og bakteriur.
• Vøddarnir í lungunum hvíla, og tað hjálpir fyri trongd, krím o.a.
• Betrar um blóðrenslið og linnar húðsjúkur.
• Viðmælt verður at sita í mesta lagi 15 minuttir, og umráðandi er at drekka nógv vatn.

Tað er týdningarmikið at drekka nóg mikið av vatni, meðan ein er á vælveruøkinum.