Sáttmáli við Norðhús um kloakkleiðing

Í sambandi við spillvatnsætlanina fyri Eysturkommunu er sáttmáli undirskrivaður við Sp/f Norðhús um kloakkleiðing í Norðragøtu. 

Arbeiði fevnir um at seta pumpubrunn á havnalagið, sum skal taka ímóti spillvatninum í gomlu bygdini í Norðragøtu, havnalagnum og økinum á Oyruni. 

Eysturkommuna hevur í nøkur ár arbeitt miðvíst við spillvatnsætlan fyri allar bygdirnar, sum er góðkend av Umhvørvisstovuni. Arbeiðið við spillvatnætlanini er ikki liðugt enn, men er komið væl ávegis.