Barnafagnaður verður fríggjadagin 20. mai

Hesuferð hevur Frítíðarheimið í Leirvík ábyrgd av degnum, sum øll barnaansingin í kommununi tó er við til at fyriskipa. Fokus hesuferð er á náttúruna og nærumhvørvi, og tí verður skipað fyri gongutúrum, har børnini kunnu uppliva nærumhvørvið í kommununi og læra nakað av søgu aftanfyri hetta.

Túrur 1: Frá Undir Gøtueiði, uppum, í haganum og eftir innargarðsvegnum í Syðrugøtu. Túrurin endar á spæliplássinum í Syðrugøtu (longd: umleið 2 tímar).

Túrur 2: Frá seyðhúsinum ‘hjá Tummas’, sum er eitt sindur inn eftir gamla vegi omanfyri Syðrugøtu og út á rættina. Túrurin endar á spæliplássinum í Syðrugøtu (longd: umleið 1,5 tíma).

Í fjør var barnafagnaðurin skipaður sum ein temadagur um Víkingar, har allir dagstovnarnir komu saman í Sarpugerði til ymsar verkstovur og annað (les meira).