Fyrilestur: Á heimsins hægsta tindi

Leygarkvøldið 6. dec. kl 19.00 verður fyrilestur og frásøgn í skúlahøllini í Leirvíkar skúla um einastandandi bragdið, leirvíkingurin, Arne Vatnhamar framdi, tá hann sum fyrsti føroyingur stóð á heimsins hægsta tindi Mount Everest.

Verkætlanin kravdi ikki einans drúgvar fyrireikingar av øllum hugsandi slagi. Sjálvur túrurin gjørdist serstakliga harður, bæði kroppsliga og sálarliga.

So gleð teg til eina spennandi frásøgn, har Arne fer at greiða frá ferð síni. Gleð teg til at hoyra um drúgvu fyrireikningarnar, útgerðina, kuldan og ikki minst til at hoyra, hvørjar tankar Arne hevði, tá hann stóð yvir fyri harðastu avbjóðingini í lívinum.

Tiltakið er ókeypis.