Leiðari skal setast skjótast gjørligt

Stýrið fyri nýggju Heimatænastuna í Eysturkommunu og Fuglafjarðar kommunu hevði sín fyrsta fund mánadag 7. juli, har samtykt varð at velja Jóhan Christiansen sum formann umframt at søkja eftir einum leiðara til nýggju eindina. Ætlanin er, at leiðarin skal setast sum skjótast.

Í stýrinum sita Jóhan Christiansen, Emma Rasmussen og Oluffa Joensen frá Eysturkommunu, og Sonni á Horni og Sigga Óladóttir Joensen frá Fuglafjarðar kommunu.

Nýggja samstarvið er fingið í lag í samband við, at kommunurnar tann 1. januar 2015 skulu yvirtaka málsøkið fyri heimatænastu og eldrarøkt frá landinum. Heiti á samstarvinum er ‘Heimatænastan í Eysturkommunu og Fuglafjarðar kommunu’.