Verkætlan
Á býráðsfundi í August mánaða í 2020, varð samtykt byggja lugarið vi bátahylin í Leirvík út. Núverandi lugar er somikið væl umtókt, at hølini eru ov lítil.
Lugarið er í løtuni 18,3 fermetarar til støddar, og við nýbygninginum verður samlaða fermetrartalið 48. Køkurin verður tikin niður og hol verður gjørt í veggin, og opið verður nýtt sum knútapunkt millum gamla bygningin og nýggja bygningin, sum verður staðsettur ímillum lugarið og niðasta neystið omanfyri.
Eisini verður ein goymslubygningur bygdur norðeftir, við lofti og somu vídd sum lugarið. Bygningurin verður í tveimum hæddum.
Kommunan eigur og rekur Lugarið, og verða hølini brúkt av arbeiðsmonnunum hjá Eysturkommunu, umframt at fleiri eldri menn í bygdini samlast fyrrapart gerandisdagar til ein kaffimunn og prát.
Lugarið er eitt samlingsstað fyri eysturbúgvar, og øll eru hjartaliga vælkomin inn á gólvið til kaffi og prát. Húsið er altíð opið og hevur almenn ves.
Varð avhendað 8. juli 2021